ابوذيات عراقية

حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا

هلي يهل الكرم والجود والطيب وذكركم فاح منه العطر ويطيب يداوون المريض بعجل ويطيب كرام ومن نسل خير البرية

يعل تنشد منين احنا وصلنا الامام الحسن جد النا واصلنا كل الناس لبست من وصلنا احنا اكرام مانرضى بدنية


هلي يهل المضايف واه دلة ولحم الظان بام عريه دلة صوت النجر للطرشان دلة رفاعي النسب شتزاود علية


حبيبي بكل محبتك شاعر اني __ اوكله انگلب ابيض شاعر اني __ قصيده انته حبيبي او شاعر اني __ من اقراك احطك بين اديه


لزمت روحك بديه وردحله __ لئن حبك مشاكل وردحله __ ابچفيه ارگصله وردحله __ حرام اتعلعل ابئيدك ضحيه

الشوگ وياك صدفه قابل اني __ شيجي منك عليه قابل اني __ تقشمرني بضحكتك قابل اني __ غشيم اوتعبر الضحكه عليه


ابات ليلي احسب والگلب يمناي
واجمع همومي ولاني ملتفت يمناي
ضاعت هگوتي ولا خليته يمناي
لاكن صروف الدهر تمشي عكس لو لاك
اجارك الله من انياب الدهر لو لاك
ما نال منه الخصم غير الاسف لو لاك
اني الحسبتك لصدمات الدهر يمناي



اعنيك يا من زمانك دون جيلك بلك
اثرت نفسك على من چان شاغل بلك
مالك اذا جيت يتعثر لسانك بلك
ورياض خدك يجيهه من المدامع وفر
غتنم وقتك اذا لاگيت ولفك وفر لو ما حچايه العرب لرفج معاكم وفر باهر جمالك بدون اورودصدر وبلك

اني دخلت الجيش مني بزغر من صبا
امر سريتي انقتل وتقلدت منصبا
ولت اغبار المعركه ونسم علينه الصبا
وينصرنا هو اعلى الفرس له الحمد والمنه
الما قاتل ويانه العدو والله مو منه
لو انجرح مية جرح للوطن مو منه
ولا تقيس انت الرجل بنجماته وبمنصبا


سلام وطيب من عدكم وصلنا
وعسى ماينكطع منكم وصلنا
الهوى اللي يهب منكم وصلنا
أشمه وتلرد الروح الييه


بعد وياك مااصدگ وعد لك
چثير احسب من همومك وعدلك
و بعگد الگصب لو احطك وعدلك
سنه وتطلع الحدبه ذيچ هية



يربها

مته تنغر عل روحي يربها

وخاف يعم عل الوادم يربها

كضة البيها وغدة تاكل يربها
خلصت ولامنها بجية


طبيبي انتة الاريدن منكشفة
وخاف يموت حبي منكشفة
مو شفتين اريدن منك اشفة
ابوسنهة ورد القاط مية
**************************
كلبك لا تفك جيسة خليلك
وبسرك بالك تبسط خلي لك
عساهة ما برت ذمتة خليلك
ولا نكل جدمينة فوك الوطية





لجلك ضحك سني ونتسني
وخليني اريحنك ونتسني
خو تدري انة شيعي ونتة سني
وحبك رغم انف الطائفيه


اعلة سلة ما اجيت عسلتين
يمن خليتني بهجرك عسلتين
اسالك ذني وجناتك عسل تين
ضكتهن والطعم بيه حيرة اليه



دزيت العنب يا صاحب معسلاك
وكل كمر ماشفت منك معسلاك
عليش تخلي تفاحة معسلاك
مهي خدودك تفاح اليه


السلانة ونكر عشرتنة سليناه
ومثل ما سلنة هم احنة سليناه
سيف الباشط بوجهة سليناه
مثل ماسل علينةو سيوف مية

كثر كلوب كبلك سلبينة
ورد بالعين لاجن سلبينة
وحيدين وكمنة نستانس سلي بينة
مثل شم الهوة مسجاتك اليه .



ولك سال
ولك انشد عن احبابك ولك سال
دمعهم ما جره لغيرك ولك سال
مرض بيه ارد اخبرنك ولك سال
وضاع ادواي يس شفتك شفيه

علامه...
علامه الوكت مرمرني علامه
لجمني وحطلي بكلبي علامه
لصيرن لك مثل راغب علامه
واغني لناري البكلبي غنيه

قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه

دخيلك حبيبي يابعدالروح بس تان
اريد اخذ من الوجنات بس تان
صرت مثل كاع البصرة بستان
الثمر للناس وانا اعثوك الية